Komisioni Qëndror Zgjedhor regjistroi sot dhjetë kandidatët e tjerë të tre subjekteve dhe koalicioneve politike që do të garojnë në gjashtë bashkitë e vendit.
Pas shqyrtimit të dokumentacionit, anëtarët e KQZ-së kanë votuar pro miratimit të listës së kandidatëve për bashkitë Durrës, Shkodër e Lushnje.
Zgjedhjet e pjeshme lokale do të zhvillohen më 6 mars në bashkitë Shkodër, Dibër, Durrës, Vorë, Rrogozhinë e Lushnje dhe në to marrin pjesë 20 kandidatë në total.
Kandidatët e regjistruar sot në KQZ
Partia Socialiste
Shkodër - Majlinda Angoni
Lushnjë – Eriselda Sefa
Durrës – Emiriana Sako
Partia Demokratike
Lushnjë – Indrit Sefa
Shkodër- Xhemal Bushati
Durrës – Luan Hoti
Koalicioni Shtëpia e Lirisë
Durrës - Ardian Muka
Lushnjë - Elton Ilir Bano
Shkodër - Bardh Spahia
Partia e Lëvizja e Re
Durrës – Jonid Nano
