Paniku shpërtheu në një dyqan veshjesh në Brazil kur një makinë theu vetratat dhe hyri brenda teksa pronari dhe një punonjëse po transmetonin drejtpërdrejt në mediat sociale, duke shfaqur ofertat e “Black Friday”.
Incidenti ndodhi të enjten pasdite (5 nëntor) në qytetin e Manaus, në shtetin brazilian të Amazonas, duke plagosur një punonjëse. Momenti i përplasjes u fiksua nga një kamera që përdorej për transmetimin drejtpërdrejt.
Aksidenti ndodhi afërsisht në orën 16:30 sipas orës lokale, kur shoferja e një makine “Jeep Renegade” humbi kontrollin e automjetit të saj dhe përfundoi brenda dyqanit.
❌ Chofer echa a perder la mejor escena. Conductora de un Jeep Renegade se quedó dormida al volante e invadió la fachada de la tienda de ropa durante una transmisión en vivo de promociones Blackout/Black Friday. Una empleada resultó herida levemente en el hombro y fue atendida por el SAMU. Fecha: 5 de noviembre de 2026, alrededor de las 16:30. 📍Manaus (Amazonas, #Brasil), Avenida João Valério, conjunto Vieiralves, bairro Nossa Senhora das Graças. Tienda Use Guta Store.
— PERIÓDICO SupreMo 🔴 (@Diario_Supremo) November 6, 2026
Sipas policisë, gruaja u tha oficerëve se e kishte zënë gjumi gjatë drejtimit të automjetit. Automjeti hyri në hapësirën tregtare teksa prezantimi i ofertave ishte në zhvillim e sipër, duke shkaktuar shqetësim tek të pranishmit.
Menjëherë pas aksidentit, u njoftua Shërbimi Mjekësor i Emergjencës dhe ekipet e shpëtimit mbërritën në dyqan dhe i dhanë ndihmën e parë punonjëses së lënduar. Deri më tani, nuk është dhënë asnjë informacion mbi gjendjen e saj shëndetësore. Autoritetet kompetente po hetojnë rrethanat e aksidentit. ©LAPSI.al
