Një avion i dëmtuar, tenda të grisura, ndërtesa të shkatërruara. Sulmet iraniane kanë shkaktuar dëme të mëdha në bazat amerikane në Lindjen e Mesme, sipas fotove të bëra nga ushtarët amerikanë dhe të publikuara nga rrjeti televiziv CBS News.
Fotot, nga një bazë në Arabinë Saudite dhe dy të tjera në Kuvajt, u dërguan në median amerikane nga anëtarë të forcave të armatosura që kërkuan të mos identifikoheshin.
"Ky është dëm serioz në bazat tona, për të cilin publiku amerikan nuk është informuar", - tha një nga burimet për CBS. "Ne po qëndrojmë atje, me sytë mbyllur, duke u goditur në fytyrë", - shtoi ai.
Inspektori i përgjithshëm i Pentagonit shpjegoi se Komanda Qendrore e SHBA-së (Centcom) kishte raportuar dëme të konsiderueshme në objektet amerikane. Ndër të tjera, tha se sulmet iraniane "dëmtuan ose shkatërruan qindra ndërtesa dhe infrastrukturë në bazat amerikane në Kuvajt, Bahrein, Katar, Emiratet e Bashkuara Arabe, Arabinë Saudite, Irak, Oman dhe Jordani".
"Dhjetëra avionë amerikanë u shkatërruan ose u dëmtuan", shtoi ai. Sipas raportit, lufta në Iran i kishte kushtuar Uashingtonit 33.4 miliardë dollarë deri në fund të qershorit, por kjo shumë nuk përfshin "koston e riparimit të infrastrukturës". /LAPSI.al
