Janë publikuar pamje nga momenti ku 62-vjeçari Shtjefën Ziçi del me çifte në dorë për të vrarë bashkëshorten e tij, Bardhe Ziçi. I moshuari del nga banesa i armatosur me armë gjahu dhe drejtohet drejt gruas për ta vrarë, duke e qëlluar me dy plumba.
Nga kamerat e sigurisë që policia disponon, Shtjefën Ziçi i ka kërkuar celularin bashkëshortes së tij të ndjerë, gjë për të cilën kanë bërë debat. Menjëherë pas debatit, 62 vjeçari ka hyrë në banesë ka marrë çiften që kishte me leje dhe ka qëlluar bashkëshorten e tij duke e lënë të vdekur në vend.
Për shkak të gjendjen së rëndë, autori ende nuk ka dhënë një dëshmi për policinë, por burime pranë palës mbrojtëse bëjnë me dije se do t’i qëndrojnë faktit se vrasja ka qenë aksidentale. Sipas palës mbrojtëse, Shtjefën Ziçi ka marrë çiften për ta pastruar dhe nuk ka qenë në dijeni se ka patur plumba brenda, pasi ditë më parë vetë bashkëshortja e kishte mbushur, duke mos e vënë në dijeni burrin e saj.
