Kryebashkiaku i Çikagos Brandon Johnson dhe guvernatori JB Pritzker i bënë disa dhurata të veçanta Papa Leonit XIV gjatë një takimi të shkurtër në Vatikan. Ata i dhanë një birrë "Da Pope" që ka nisur të prodhohet në Çikago, një fanellë të Illini nr. 14, veshje të Chicago White Sox, por edhe diçka tjetër.
E veçantë ishte dhurata e Arkëtarit të Shtetit të Illinois, Mike Frerichs. Ai i dorëzoi Papës një certifikatë për të rimarrë 8.65 dollarë nga llogaria e tij, një shumë që ai kishte në një llogari PayPal, e cila tani është mbyllur.
Paratë kishin kaluar në llogaritë e pronave të pakërkuara të Illinois, ndaj Frerichs vendosi t’ia kthejë ato.
"Ne i gjetëm këto para vitin e kaluar pasi ai u bë papë" - tha Frerichs. "Ne kontaktuam kryepeshkopatën lokale duke u përpjekur ta bindnim atë t'i kërkonte ato, por dështuam."
Plani B? "Epo, le ta dorëzojmë personalisht," tha ai. Kjo mundësi u realizua të mërkurën. ©LAPSI.al
