Refreni i ditës së 56 të protestës ishte refuzimi total i "Besës"që Edi Rama u kërkoi shqiptarëve. Shumë nga folësit e konsideruan kryeministrin si besëprerë, si njeri që e ka humbur që në fillim të qershorit shancin për t'u besuar prej tyre. Kulmi arriti kur një nga folësit, Fatjoni, që bëri analizën e dokumentit të Ramës, e grisi atë publikisht në foltore.
"Kjo ishte përgjigja se nuk mund t’i jepet besa e shqiptarit një tradhtari", tha ai.
“Nuk ia vlen të lexohet dokumenti ‘Besa’. Përmbajtja është shumë e dobët dhe shumë e zezë. Merrni guximin të thoni në hyrje se kjo protestë është bërë nga qeveria pasi me arritjet e saj, ajo na hapi sytë për të kërkuar më shumë. E kërkoni besën e shqiptarit ju të pabesë. Në mbyllje na shisni gënjeshtrën për Europën, iu garantoj se çdo njeri këtu në shesh ua rrëzon me logjikë këtë që keni shkruar. Nuk e meriton të lexohet ky dokument. Jeni 28 vite me vonëse për të na dhënë besën.
Duhet të na e jepnit besën kur ishit ministër i Kulturës. Tentoni ta shisni këtë si besën e shqiptarit, por nuk është shqiptar ai që shet Shqipërinë, Sazanin tonë… Kjo këtu është besa e ditëziut që po kërkon të lërë si garanci Sazanin në tavolinat e pushtetit. Përgjigjen ua kanë shkruar protestuesit në shesh si i pabesë. Përgjigjen ua japim këtu (e gris dokumentin). Përgjigjen ua japim në shesh të hënën që t’ia tregojmë se kush është i besës”, tha ai.
-
Çfarë është “Shqipëria e re”?
22 Korrik, 21:40
Me pare ne shesh ishte projektuar nje sllogan gjigand: "I pabesë".
Ftesën për 'BESË' Ramës ia kanë rrëzuar edhe ata që janë jashtë sheshit. Ish-socialistja veterane, disa herë ministre e së majtës Ermelinda Meksi, ka shkruar:
"Në demokraci, besimi nuk ndërtohet me simbolikë, por me institucione që funksionojnë, rezultate të prekshme dhe llogaridhënie, që janë kushte për besueshmërinë e qeverisjes. Besa nuk është thjesht një premtim për të ardhmen. Ajo matet me përmbushjen e angazhimeve, funksionimin e institucioneve dhe llogaridhënien, mbi të cilat ndërtohet besimi i qytetarëve te qeverisja.
Edhe deputetja e dalë nga listat e PS-së në zgjedhjet e 11 Majit 2025, por që tani është e pavarur në parlament, Marjana Koçeku ka reaguar ndaj fjalimit të djeshëm të Edi Ramës.
"Flasin për besën njerëz që nuk ia kanë idenë çka asht besa`shkroi ajo duke argumentuar se njerëzve që e humbin lidhjen me tokën, vendin e tyne dhe natyrën, nuk mund t’u zihet besë!"
LAPSI.AL
