Ka nisur organizimi i qytetarëve në sheshin “Skënderbej”, ndërsa protesta hyn në ditën e saj të 56-të revoltës kundër kryeministrit Rama. Me pankarta në duar dhe flamuj kuqezi, ata kanë bërë thirrje për ndryshim. Kërkesa e qytetarëve mbetet e njëjtë: dorëheqja e Edi Ramës.
Më herët aktivistë dhe qytetarë i dhanë një përgjigje deklaratave të kryeministrit, i cili gjatë mbledhjes së grupit parlamentar të Partisë Socialiste prezantoi platformën “Besa”, duke kërkuar, sipas tij, një marrëdhënie të re me qytetarët. Protestuesit deklaruan se nuk e pranojnë këtë mesazh, duke theksuar se qeveria, sipas tyre ka humbur besimin e qytetarëve.
