Lil Wayne thuhet se është fejuar me një vajzë nga Indiana, e cila është në të 20-at e saj.
Sipas TMZ, reperi 43-vjeçar, emri i vërtetë i të cilit është Dwayne Michael Carter Jr., i ka propozuar partneres së tij “më herët gjatë këtij viti”.
Deri më tani, përfaqësuesit e artistit nuk kanë reaguar publikisht ndaj lajmit.
Jeta private e Lil Wayne ka qenë shpesh në qendër të mediave rozë ndër vite, ndërsa lidhja e tij e fundit bëri bujë pas ndarjes nga ish-partnerja Denise Bidot.
Modelja akuzoi reperin se i dha fund lidhjes së tyre në Ditën e Nënës në vitin 2025, duke e quajtur veprimin “mizor”.
“Ndahesh me dikë në Ditën e Nënës? Kjo është diabolike,” shkroi ajo. “ Zoti gjithmonë më ndihmon të kaloj gjithçka. Ec me besim.”
Më pas Bidot publikoi një video ku shpjegon se çfarë kishte ndodhur:
“Wayne në fakt më nxori jashtë mua dhe vajzën time në Ditën e Nënës, ndërkohë që unë sapo jam shëruar nga një ndërhyrje kirurgjikale. Janë vetëm pesë javë që nga operacioni im për ‘mommy makeover’. Nuk mund të ngre as kutitë.”
“Ai dërgon ndihmësit e tij për të na nxjerrë jashtë dhe ndahet me mesazh në Ditën e Nënës. Dhe ditëlindja e vajzës është javën tjetër. Ndërkohë unë udhëtoj për në New York për fushatën e Sports Illustrated. Jam totalisht e tronditur emocionalisht.”
