Larg Moskës dhe nën një ombrellë të dendur kundërajrore, Presidenti rus Vladimir Putin thuhet se ka zhvendosur vajzat e tij, të dashurën dhe dy djemtë e tij. Lajmin e konfirmuan për mediat ruse online burime me njohuri për Kremlinin.
Kanali rus në Telegramit “Mozhem Obyasnit” (“Mund të shpjegojmë”), i cili konsiderohet me njohuri mbi Kremlinin, zhvillimet ushtarake dhe klimën politike në Rusi, raporton se presidenti rus ka rritur shumë masat e sigurisë rreth vetes dhe familjes së tij.
Kështu, dy vajzat më të mëdha të presidentit rus, Maria Vorontsova dhe Katerina Tikhonova, janë vendosur së fundmi në kompleksin rezidencial “Valdai”, i cili ndodhet rreth 370 kilometra në veriperëndim të Moskës.
Kampionia olimpike Alina Kabaeva konsiderohet si prania më e vazhdueshme në jetën e Vladimir Putinit në vitet e fundit.
E dashura (e përfolur) e Putinit, ish-gjimnaste olimpike ritmike Alina Kabaeva, thuhet gjithashtu se jeton atje, së bashku me dy djemtë që thuhet se ai ka pasur me të.
Anëtarë të familjes së zgjeruar të Putinit janë zhvendosur gjithashtu në Valdai.
Vitet e fundit - edhe për shkak të luftës me Ukrainën - mbrojtja ajrore përreth Valdait është forcuar ndjeshëm. Zona ka pyje dhe liqene që rrethojnë kompleksin, duke ofruar edhe më shumë siguri. ©LAPSI.al
