Sot në Gjykatën e Posaçme kundër Korrupsionit dhe Krimit të Organizuar zhvillohet seanca e parë gjyqësore për Erion Veliajn. Procesi nisi pasi çështja u nda, për shkak se disa nga të pandehurit kërkuan dhe iu pranua gjykimi i shkurtuar.
Seanca po monitorohet nga Erida Skëndaj, përfaqësuese e Komitetit Shqiptar të Helsinkit (KSHH). Kujtojmë që ditën e djeshme, Gjykata Kushtetuese vendosi që Gjykata e Lartë të rishqyrtojë kërkesën për liri të Erion Veliajt.
Gjykata e Lartë duhet të arsyetojë pse masa “arrest me burg” është e nevojshme dhe pse nuk mjaftojnë masa më të lehta sigurie, duke marrë parasysh edhe detyrën e tij si kryebashkiak.
