Drejtori ekzekutiv milioner i një kompanie teknologjike amerikane humbi jetën gjatë uljes së një avioni privat në një autostradë të Teksasit të martën në mbrëmje.
Joshua Baer, kreu i startup-it teknologjik “Capital Factory”, ishte një nga 6 pasagjerët në bordin e avionit, i cili shpërtheu në flakë kur u përplas me kokë në një autostradë. I konsideruar gjerësisht si "kumbar i skenës së startup-eve në Austin", ai luajti një rol kyç në shndërrimin e Teksasit në një qendër globale të teknologjisë dhe inovacionit.
Aksidenti ndodhi në autostradën shtetërore të Teksasit, pranë kufirit SHBA-Meksikë. Kulla e aeroportit raportoi se avioni privat kishte një problem mekanik dhe kishte humbur kontaktet.
Avioni ishte nisur nga San Jose del Cabo në Meksikë dhe po shkonte drejt Austin, Teksas. Policia tha se avioni u rrëzua në autostradë ku goditi një makinë në lëvizje. Trafiku u bllokua në të dyja drejtimet.
Miliarderi Baer, 50 vjeç ishte baba i tre fëmijëve. FBI-ja dhe Bordi Kombëtar i Sigurisë së Transportit po hetojnë shkakun e aksidentit, i cili mbetet i paqartë.
5 të mbijetuarit e avionit dhe një person nga makina që u përplas u dërguan në spital.
Pasi ra në tokë avioni u përfshi nga flakët. Në pamjet e shpërndara online shihen njerëz që përpiqen të hapin kabinën e avionit dhe duke thyer xhamin e pilotit. ©LAPSI.al
