Pavarësisht ndërhyrjes së policisë me ujë me presion dhe spraj me piper, protestuesit nuk u tërhoqën. Ata u rikthyen sërish përpara Parlamentit, pak para nisjes së seancës plenare. Nga turma vijojnë thirrjet “Rama, jep dorëheqjen” dhe “Parlamenti i krimit”, ndërsa protestuesit këmbëngulin se nuk do të largohen.
Përplasjet kanë lënë pasoja edhe te disa qytetarë. Shumë prej tyre kanë shfaqur djegie të forta në sy dhe lëkurë nga spraji me piper. Një i ri është parë me syrin e fashuar, pasi pësoi djegie gjatë ndërhyrjes së policisë.
Më herët, protestuesit u afruan pranë Kuvendit pasi arritën që të hiqnin dy nga gardhet metalike të vendosura nga efektivët e policisë.
