Policia ka arrestuar 16 persona pas protestës së studentëve të zhvilluar para Ministrisë së Arsimit. Tubimi i djeshëm u shoqërua me tensione dhe përplasje.
Protesta nisi rreth orës 14:00 dhe zgjati mbi 8 orë. Gjatë tubimit, situata u përshkallëzua, ndërsa policia ndërhyri për të shpërndarë protestuesit. Gjatë kësaj proteste u shënuan incidente të rënda, ku policia dhunoi barbarisht protestues, të rinj, të mitur, gazetarë dhe të moshuar. Rasti më i rëndë ishte kur një grup policësh dhunuan dhe i thyen këmbën një 19-vjeçari, i cili nuk ishte pjesë e protestës, por kalimtar.
