Protestuesit kanë ndryshuar skenarin e paralajmëruar dhe janë shpërndarë në disa pika të Tiranës.
Një pjesë e tyre ka qëndruar pranë Kuvendit, ndërsa një tjetër grup është zhvendosur drejt SPAK-ut, ku kanë vijuar thirrjet “Lironi çunat”. Protestues të tjerë janë drejtuar te Gjykata e Tiranës, ku sot pritet të zhvillohet seanca për masën e sigurisë ndaj qytetarëve të shoqëruar gjatë protestës së së hënës.
Ndërkohë, pranë Kuvendit, protestuesit nuk janë lejuar të vendosen në zonën e pedonales, ku në raste të tjera kanë pritur deputetët para hyrjes në sallë. Këtë herë deputetët kanë hyrë në godinë me automjete, duke shmangur kalimin në këmbë në zonën ku ishin grumbulluar protestuesit.
