Tmerri nga protesta mbarëkombëtare e kësaj të shtune duket se po e drithëron pushtetin në Tiranë. Duke qenë se në të është thirrur të manifestojë edhe diaspora nga qeveria është dhënë një urdhër për të kontrolluar dhe vonuar në pikat kufitare ata që tentojnë të hyjnë në territorin e vendit. ka dhënë urdhër të bllokohen dhe të paraqesin vonesa të gjitha pikat kyfitare hyrëse me Shqipërinë.
Radhë kilometrike janë vënë re në pikën kufitare të Morinës në Kukës, pikë që lidh Kosovën me Shqipërinë. Ndonëse autoritetet kufitare nuk e konfirmojnë këtë sjellje në kundërshtim me ligjin ata i ka nxjerrë bllof qeveri e Kosovës. me një kalkulim sa të llogaritur po aq dhe politik ajo ka autorizuar një institucion të saj, si Qendra për Menaxhimin Kufitar të dalë me një deklaratë që e nxjerr bllof sjjelljen e administratës Rama. Përmes një njoftimi për media ajo ka bërë të ditur se "në dalje të Kosovës janë krijuar kolona të gjata pasi autoritetet shqiptare janë duke regjistruar qytetarët që futen në territorin e Shqipërisë. Kjo ka çuar në krijimin e kolonave deri në 3,5 kilometra".
“Ju informojmë, se sot nga ora, 04:00 e në vazhdim në dalje të R. së Kosovës, janë krijuar kolona të gjata, afërsisht 3.5 km pasi që autoritetet Shqiptare janë duke regjistruar hyrjen e qytetarëve" njoftoi Qendra për Menaxhim Kufitar.
Pra pas retorikës kundër qytetarëve shqiptarë që vijnë të protestojnë në mëmëdheun e tyre, qeveria po kalon edhe në akte konkrete. Deri më tani kufiri mes Kosovës dhe Shqipërisë ka qenë i hapur dhe pa kontroll policor, vulosje pasaportash etj. Por me sa duket në këtë ditë proteste rregulli ka ndryshuar. Dhe viktima të makthit të Edi Ramës nga përmbysja po bëhen edhe ata që që nuk po vijnë të protestojnë në Tiranë por kanë marrë rrugën që pa gdhirë për të shijuar "mrekullitë e Shqipërisë turistike" ndonëse këtë herë po ndeshen me rilindjen policore.
LAPSI.AL
