Forcat speciale RENEA vijojnë negociatat me Nertil Buzin alias Refit Buzi, i dyshuari për vrasjen e ish-vjehrrit dhe plagosjen e ish-vjehrrës në Roskovec, me qëllim bindjen e tij për tu dorëzuar. Burime nga vendngjarja bëjnë me dije se autori i dyshuar ka kërkuar kohë dhe gjatë bisedimeve ka pretenduar se konflikti me familjen e ish-partneres, të cilën i akuzon se i ka marrë paratë, e çoi drejt aktit të rëndë.
Ndërkohë, negociatorët e RENEA-s vijojnë komunikimin me të, ndërsa 35-vjeçari ka paralajmëruar se mund të kryejë vetëvrasje nëse situata përshkallëzohet. Operacioni policor vazhdon në zonën ku ai është rrethuar, ndërsa autoritetet po punojnë për ta mbyllur ngjarjen pa pasoja të tjera.
