Ministria e Mbrojtjes ka bërë një përditësim mbi situatën e zjarreve në vend, duke njoftuar se gjatë ditës janë regjistruar 16 vatra zjarri në disa qarqe të Shqipërisë.
Sipas ministrisë, pesë prej tyre vijojnë të jenë aktive, por janë vënë nën kontroll, ndërsa forcat në terren po punojnë për shuarjen e plotë të flakëve.
Në operacionet për përballimin e zjarreve në Hajdaraj/Synej (Kavajë), Drizë-Peshtan (Fier), Tale (Lezhë), Ulën (Elbasan), Divjakë dhe zona të tjera u angazhuan 261 efektivë, 40 mjete zjarrfikëse, dy helikopterë, 30 efektivë të Forcave të Armatosura me dy mjete zjarrfikëse, si edhe forca të Policisë së Shtetit, FNSH-së, Shërbimit Pyjor, strukturave vendore të emergjencave civile dhe shërbimeve shëndetësore.
