Deputetja Jorida Tabaku në një deklaratë nga Kryesia e Kuvendit, u ndal tek liria e medias dhe presioni qeveritar.
Gjithashtu Tabaku, renditi edhe faktorët që paraqet raporti i “Reporterëve pa Kufij”, për uljen e indeksit të lirisë së medias. Ajo gjithashtu theksoi se kryeministri ushtron presion, ndërsa nënvizon se ka kërcënime serioze nga krimi i organizuar.
“Duhet të kemi një pavarësi editoriale, një pavarësi institucionale… Në rastin e News24 nuk ka reaguar. Qeveria ka qendërzuar të gjithë informacionin. Liria e medias nuk mbrohet nga gazetarët apo shoqëria civile, por nga institucionet. Është shumë me rëndësi që ne të luftojmë dizinformim që vjen nga qeveria, dizinformimi me protestën, me çdo lloj lajmi që sot kontrollohet nga qeveria. Në emër të opozitës kam ofruar ndryshime që lidhen me Kodin Penal. Mbrojtje ndaj gazetarëve, dhe të ketë pavarësi qoftë në emërime në rregullator tek AMA dhe te Radiotelevizioni shqiptar. Sulmi ndaj medias nuk e ndihmon qeverinë ta mbulojë abuzimin apo korrupsionin. Sot ky sistem po kthehet në autoritar dhe për këtë arsye është e nevojshme transparenca dhe mbrojtja e gazetarëve”, tha ajo.
