Një person ka rënë në prangat e Policisë së Tiranës mbrëmjen e kësaj të diele në afërsi të zonës së “Ali Demit”.
Sipas raportimeve për mediat, një person ka qëlluar disa herë në ajër, duke shkaktuar alarm te banorët e zonës.
Pas njoftimit për ngjarjen, shërbimet e policisë kanë ndërhyrë menjëherë, duke bërë të mundur lokalizimin dhe arrestimin e autorit të dyshuar. Gjatë veprimeve policore është sekuestruar edhe arma e përdorur në incident.
Fatmirësisht, nga të shtënat nuk raportohet për persona të lënduar apo dëme materiale.
Ndërkohë, grupi hetimor po punon për sqarimin e plotë të rrethanave të ngjarjes dhe motiveve që çuan në përdorimin e armës. /LAPSI.al
