Të shtëna me armë zjarri janë raportuar mbrëmjen e sotme në Ndroq. Efektivët e komisariatit nr.6 kanë rrethuar zonën, ndërsa disa persona janë shoqëruar për verifikime. Sipas burimeve, ngjarja lidhet me të afërm të familjes së Sinan Idrizit. Në polici janë shoqëruar Sinan, Ramiz, Serxho dhe Dashamir Idrizi. Të njëjtat burime bëjnë me dije se, sapo policia është afruar pranë banesës, disa prej personave të dyshuar kanë hedhur armët. Në zonë janë gjetur të paktën dy armë zjarri.
Policia po vijon kontrollet dhe veprimet për të zbardhur rrethanat e plota të ngjarjes dhe për të përcaktuar nëse armët janë përdorur gjatë të shtënave. Sinan Idrizi ishte arrestuar më parë nga policia për kërcënim, por gjykata vendosi ta hetohet në masën 'arrest shtëpie'.
