Imami i fshatit Zlipotok të Dragashit është vrarë me thikë. Ngjarja e rëndë ka ndodhur mbrëmjen e së hënës ku 47-vjeçari Gazmen Tairovci ka humbur jetën pasi dyshohet se u godit me thikë më shumë se pesë herë gjatë një përleshje fizike.
Sipas bluve të Kosovës, më 29 qershor rreth orës 23:15, autoritetet janë njoftuar se në fshat kishte një konflikt mes disa personave.
Me të mbërritur në vendin e ngjarjes, patrulla policore ka gjetur viktimën të shtrirë në tokë. Ekipi mjeksor ka shkuar në vendin e ngjarjes ku edhe ka konstatuar vdekjen e viktimes. Si i dyshuar për rastin është identifikuar Beshir Hamza, rreth 40 vjeç, bashkëfshatar i imamit, i cili është arrestuar paraditen e sotme, vetëm pak orë pas ngjarjes.
Hetimet për zbradhjen e plotë të ngjarjes kanë nisur por dyshimet e para janë mbi një konflikt për shkak të një prone dhe kositjen e barit që i takonte autorit Hamza, por që dyshohet se ishte prerë nga imami, pasi ishte paralajmëruar të mos e bënte më.
Për rastin ka reaguar edhe Këshilli i Bashkësisë Islame, të cilët kanë theksuar se, sipas informacioneve që posedojnë, ngjarja nuk lidhet me veprimtarinë apo detyrën e viktimës si imam.
