Qindra automjete janë nisur nga Kosova në drejtim të Shqipërisë, duke shkaktuar një fluks të lartë hyrjesh në pikën kufitare të Morinit. Ngarkesa e trafikut është e dukshme edhe në Rrugën e Kombit, veçanërisht në segmentin nga Morini deri te Pika e Pagesës, ku qarkullimi i automjeteve është shtuar ndjeshëm.
Për të përballuar fluksin e madh të udhëtarëve, në pikën kufitare të Morinit po punohet me të gjitha sportelet në dispozicion. Masa të ngjashme janë marrë edhe në Pikën e Pagesës së Rrugës së Kombit, me qëllim shmangien e radhëve dhe lehtësimin e qarkullimit. Fluksi i automjeteve pritet të vijojë gjatë gjithë fundjavës, pasi shumë qytetarë nga Kosova kanë zgjedhur bregdetin shqiptar për të kaluar pushimet verore.
