Vatra e zjarrit në Panahor të Mallakastrës vijojnë të jenë ende aktive. Në terren po angazhohen forca të shumta për të bërë të mundur vënien nën kontroll të flakëve. Aktualisht në operacion po marrin pjesë 40 trupa të Forcave të Armatosura, 4 mjete zjarrfikëse, 25 efektivë të MZSH-së dhe 30 forca bashkiake.
Gjithashtu në zonën e zjarrit po vijon puna për izolimin e vatrave dhe parandalimin e përhapjes së mëtejshme të flakëve. Ndërkohë, nga momenti në moment pritet të nisë edhe operacioni nga ajri për izolimin e plotë të vatrës së zjarrit.
