Intervista e modelit të njohur shqiptar për “Story”, ku rrëfen marrëdhënien intime me një ligjvënëse të Parlamentit, ka ngjallur kuriozitetin e publikut për të mësuar se për cilën deputete bëhet fjalë. Alessio (Afrimi) thotë se bëhet fjalë për një zonjë të madhe në moshë, por me sa duket joshëse dhe eksperte në seks. “Mosha? Hmmmm! Nganjëherë mosha i bën më seksi disa femra. Kështu që, merreni me mend vetë çfarë dua të them. Ndërsa përsa i përket statusit dua ta lë enigmë nëse është beqare apo e martuar”, tregon modeli.
Në përpjekje për të zbuluar se kujt krahu politik i përket deputetja në fjalë, Alessio thotë: “Për mua s’ka ndonjë ndryshim nëse është e majtë apo e djathtë në angazhimin e saj politik. E djathta apo e majta është thjeshtë çështje psikologjike kur fjala është për shtratin”.
Megjithatë, për shkak se në Shqipëri kthehet vetëm për pak ditë, modeli që jeton prej 20 vitesh në emigracion, thotë se me politikanen ka patur thjesht një aventurë. “Nuk ka asgjë për t’u dukur interesante me politikanet apo disa femra që merren me politikë, e që unë mund të kem kaluar vetëm një natë seks”, shprehet Alessio Alia.
