Kryetari i Partisë Demokratike, Sali Berisha deklaroi nga salla e Kuvendit duke ju drejtuar mazhorancës se, ‘po bëni prova me Gardën për të mbrojtur Ramën, po ai më mirë të mos vijë fare këtu se është figura më e urryer e shqiptarëve’.
"Dhe z. kryetar, unë e kam parë që keni futur Gardën këtu. Duket po bëni prova për të mbrojtur Edi Ramën. Por ai më mirë të mos vijë në këtë sallë se ai është figura më e urryer e shqiptarëve.
Figura më e urryer... edhe në Ballkan një të dytë nuk ka.
Prandaj, mos na bëni prova që Garda për dy sekonda të hyjë brenda, se provat i keni për atë." - u shpreh Berisha.
Që prej mëngjesit të sotëm situata në Kuvendin e Shqipërisë është e tensionuar pasi pritet të votohet reforma territoriale për shkrirjen e 15 bashkive pa miratimin e opozitës.
