Maddox, djali i madh i Angelina Jolie dhe Brad Pitt, ka ndërmarrë një hap të rëndësishëm në raport me të atin. Sipas TMZ, 24-vjeçari ka dorëzuar dokumentet për të hequr ligjërisht mbiemrin “Pitt” nga emri i tij.
Nëse kërkesa miratohet, emri i tij i plotë do të jetë Maddox Chivan Jolie. Ky veprim vjen pak kohë pasi Maddox përdori vetëm mbiemrin “Jolie” në kreditë e filmit më të fundit të nënës së tij, “Couture”, ku ai punoi si ndihmës regjisor.
Filmi, me protagoniste Angelina Jolie, pati premierën në Festivalin Ndërkombëtar të Filmit në Toronto në vitin 2025 dhe më pas u shfaq në kinematë franceze në shkurt 2026.
Maddox nuk është fëmija i vetëm i çiftit që është distancuar nga mbiemri Pitt. Vajza e tyre Shiloh ndryshoi ligjërisht emrin në “Shiloh Jolie” në vitin 2024, ndërsa Zahara dhe Vivienne kanë përdorur publikisht vetëm mbiemrin Jolie në evente dhe projekte të ndryshme.
Burime pranë Brad Pitt kanë deklaruar më herët se aktori është “i lënduar” nga vendimet e fëmijëve të tij për të hequr mbiemrin e tij, por vazhdon t’i dojë dhe t’u qëndrojë pranë.
Angelina Jolie dhe Brad Pitt u ndanë në vitin 2016 pas më shumë se një dekade së bashku, ndërsa divorci i tyre u finalizua zyrtarisht në fund të vitit 2024.
