Irani po përpiqet të forcojë mbrojtjen e tij ushtarake përmes një marrëveshjeje të re me Rusinë, duke kërkuar blerjen e sistemeve të avancuara kundërajrore S-400. Sipas raportimeve nga mediat e huaja, udhëheqësi suprem iranian, Mojtaba Khamenei, i ka dërguar një letër presidentit rus Vladimir Putin, përmes një të dërguari të posaçëm, ku kërkohet furnizimi me pajisje ushtarake.
Kërkesa vjen pas sulmeve amerikane dhe izraelite, të cilat kanë dëmtuar një pjesë të konsiderueshme të sistemeve iraniane të mbrojtjes ajrore. Dokumente konfidenciale zbulojnë gjithashtu një strategji të Teheranit për të thelluar bashkëpunimin ushtarak me Rusinë dhe Kinën, duke përfshirë zhvillimin e sistemeve raketore, dronëve dhe mbrojtjes ajrore.
Megjithatë, mbetet e paqartë nëse Moska do ta pranojë kërkesën për S-400, pasi edhe vetë Rusia përballet me nevoja të mëdha ushtarake për shkak të luftës në Ukrainë. Bashkëpunimi mes dy vendeve shihet si pjesë e përpjekjeve të Iranit për të forcuar pozitat e tij strategjike dhe për t'u përgatitur ndaj mundësisë së një konflikti të ri me Shtetet e Bashkuara
