Detaje të reja kanë dalë në dritë lidhur me vdekjen e aktorit Matthew Perry, i njohur për rolin e Chandler Bing në serialin Friends.
Sipas dokumenteve të reja të prokurorëve federalë, ish-asistenti i tij, Kenneth Iwamasa, akuzohet se ka tentuar të shkatërrojë prova që lidhen me përdorimin e substancave nga aktori, vetëm një orë pas vdekjes së tij në tetor 2023.
Sipas akuzave, Iwamasa dyshohet se ka fshirë materiale fizike dhe dixhitale që mund të lidhnin Perry me përdorimin e ketaminës, duke përfshirë shishe, shiringa, dokumente dhe të dhëna elektronike.
Ai gjithashtu ka pranuar fajësinë për akuzën e komplotit për shpërndarje të ketaminës që çoi në vdekjen e aktorit. Prokurorët po kërkojnë një dënim prej 41 muajsh burg.
Familjarët e Perry kanë reaguar ashpër ndaj zhvillimeve të fundit. Motra e tij, Madeline Morrison, e cilësoi situatën si një tradhti të rëndë.
“Ndihem sikur vëllai im vdiq për herë të dytë. Gjithçka që na ishte thënë për ditën e vdekjes së tij rezultoi e pavërtetë”, deklaroi ajo.
“Ideja që dikush që vëllai im e konsideronte familje ta tradhtonte në një mënyrë kaq të paimagjinueshme është diçka që nuk do ta kisha menduar kurrë.”
