Ka përfunduar protesta qytetare e zhvilluar ditën e sotme përpara godinës së Kuvendit, një tubim ky i njoftuar vetëm një ditë më parë nga organizatorët. Protesta nisi rreth orës 10:00, duke përkuar me nisjen e seancës plenare në Parlament.
Gjatë orëve të zhvillimit të saj, situata është shoqëruar me tensione dhe incidente mes forcave të policisë dhe protestuesve. Përpjekjet e efektivëve për të mbajtur në kontroll turmën kanë çuar në përplasje, ku si pasojë policia ka kryer edhe disa shoqërime të pjesëmarrësve.
Menjëherë pas përfundimit të protestës para Parlamentit, një grup i konsiderueshëm protestuesish ka marshuar drejt Komisariatit Nr. 1. Sipas informacioneve paraprake, ky marshim erdhi si reagim ndaj shoqërimeve, pasi dyshohet se qytetarët e ndaluar gjatë përplasjeve të mëngjesit po mbahen pikërisht në ambientet e këtij komisariati.
Në mbyllje të tubimit të mëngjesit, organizatorët u bënë thirrje pjesëmarrësve të riagjenerojnë forcat dhe të mblidhen sërish sot në orën 19:00.
Kjo protestë shënon sot ditën e saj të 58-të, duke vijuar qëndresën me kërkesat e tyre, në krye të të cilave janë dorëheqja e Edi Ramës dhe ndryshimi i kabinetit qeveritar.
