Gati 20 persona rezultojnë ende të zhdukur pasi një traget u përmbys në brigjet e Qipros veriore, duke vrarë 8 persona, ndërsa zhytësit u bashkohen ekipeve të kërkimit që kërkojnë në ujëra të thella për ndonjë të mbijetuar.
Trageti me 267 persona në bord u përmbys të dielën, pranë qytetit portual të Kyrenias, duke i lënë të mbijetuarit të kapur pas korpusit të përmbysur. Ata u shpëtuan nga anijet që kalonin aty pranë dhe nga anëtarët e rojes bregdetare.
Trageti u përball me probleme menjëherë pasi u nis nga Kyrenia për në portin turk të Taşucu në provincën Mersin, një nga disa lidhjet e përditshme detare midis Qipros veriore dhe Turqisë.
Autoritetet kanë ndaluar kapitenin dhe ekuipazhin e anijes për t’i marrë në pyetje.
