Kryeministri Edi Rama nuk i kurseu batutat as në Konferencën Ndërqeveritare me Bashkimin Europian të mbajtur të martën në Bruksel.
Ai i është drejtuar zëvendësministres për Çështjet Europiane të Qipros, Marilena Raouna, në greqisht me fjalët "agapi mou" (e dashura ime). Por kjo fjalë e kryeministrit shqiptar duket se ka shkaktuar "xhelozi" te komisioenrja për zgjerimin Marta Kos, e cila e pyeti: "Po mua nuk më do?"
Pas batutave, Komisionerja Kos ndërpreu konferencën dhe puthi kryeministin Rama në faqe. Më pas Kryeministri vijoi, duke thënë se dashuria Shqipëri-BE është e pashtershme dhe pa kushte.
BATUTAT:
Edi Rama: E dashur Marilena, "agapi mou"! Faleminderit shumë, Marta!
Marta Kos: Po mua nuk më do?
Edi Rama: Po mendoja të thoja apo jo “Yubim te”, por e di që “Yubim te” nuk është saktësisht varianti slloven.
Marta Kos: ...por edhe mund të jetë.
(Marta Kos puth Ramën në faqe)
Edi Rama: Ok. Në rregull.
Marta Kos: Tani jam e lumtur!
Rama u drejtohet gazetarëve: Po ju pse qeshni? Ju jeni të rinj. Nuk e dini ende vlerën e dashurisë. Duhet të shihni e të mësoni nga dashuria e Shqipërisë për BE, dashuria e pashtershme, pa kushte, dashuri që sjell vuajtje ndonjëherë, por ja ku jemi, por sigurisht jemi shumë të lumtur”, - tha Rama. /Dosja.al
