Qytetarët kanë nisur marshimin kilometrik nëpër rrugët e Tiranës, në kuadër të protestës së 46-të kundër qeverisë dhe kryeministrit Edi Rama.
Pas qëndrimit para Kryeministrisë, protestuesit janë zhvendosur në akset kryesore të kryeqytetit, duke përsëritur thirrjet e tyre kundër klasës politike.
Gjatë marshimit janë dëgjuar thirrje si “Rama, jep dorëheqjen!”, “Ju erdhi fundi!” dhe “Shqipëria kërkon revolucion!”, ndërsa kanë brohoritur edhe kundër Sali Berishës.
“Rama, Sala, f*ck you!” dhe “Rama n’burg, Berisha n’burg!, u dëgjuan të thërrisnin ata teksa marshonin drejt Rrugës së Elbasanit.
