Me tensione të forta është regjistruar sot protesta e banorëve në Zvërnec, të mbështetur nga aktivistë ambientalistë dhe lëvizja Bashkë. të cilët janë kundër ndërtimeve në zonën e Dalanit.
Persona që thuhet se janë punonjës të sigurisë që punojnë për llogari të kompanive që do të ndërtojnë në këtë zonë, janë përplasur me protestuesit.
Sakaq, e gjithë zona që është e rrethuar, me prani të punonjësve të policisë dhe badigardëve privatë.
-
Një drejtor policie, kokë turku në Zvërnec
31 Maj, 08:27
Projekti, i quajtur “Zvërnec Peninsula”, parashikon ndërtime banimi dhe hotele deri në tetë kate dhe një port në një nga zonat më të ndjeshme të bregdetit shqiptar. Ppor protestuesit paralajmërojnë se projekti i paralajmëruar si një zhvillim turistik nga dhëndrri i Trump Jared Kushner dhe vajza e tij Ivanka Trump mund të shndërrohet në një transformim masiv urban që rrezikon zhdukjen e habitatit natyror. Sipas tyre, në këtë zonë parashikohet ndërtimi i një kompleksi me kapacitete të mëdha akomoduese, që do të ndryshonte përfundimisht ekuilibrin ekologjik.
