Para pak çastesh Presidenti i Republikës, Bajram Begaj njoftoi se në mbështetje të nenit 93 të Kushtetutës, si dhe të nenit 5, paragrafi 2 të ligjit nr. 8391, datë 28.10.1998, “Për Shërbimin Informativ të Shtetit”, i ndryshuar””, me propozim të Kryeministrit, dekretoi sot shkarkimin e zonjës Vlora Hyseni nga detyra e Drejtorit të Shërbimit Informativ të Shtetit.
Nuk është e qartë si është bërë propozimi i Ramës pasi më herët kryeministri deklaroi se këtë hap do ta hidhte pasi të kthehej nga SHBA në Shqipëri.
“Lirimi nga detyra i drejtores së shërbimit është i menjëhershëm, e sapo të kthehem në Tiranë dhe në konsultim me Presidentin e Republikës, do të zgjedhim drejtuesin e ri të Shërbimit Informativ të Shtetit” – shkroi Rama. ©LAPSI.al
