Kryeministri Edi Rama është ngërthyer sërish në polemika për sherrin e nxehtë Kosovë Serbi. Ai u është përgjigjur flakë për flakë akuzaave për deklaratën e tij lidhur me debatin për lumin Ibër, debaat në të cilin ai i kujtoi Serbisë se “e humbi Kosovën.” Shumëkush në gjysmën tjetër të kombit i ka kujtuaar "vëllaut të Vuçiçit" se nuk është Serbia ë e humbi Kosovën, porse ajo u çlirua vetë
Rama shkroi sot në X se ishte i mbjti një qëndrim preciz, ndërsa u tall me turbofolkun nacionalist të Prishtinës, që reaguan duke e quajtur “tradhtar.”
"Unë e kam një laborator ekselent për të matur saktësinë e qëndrimeve të mia kur flas apo postoj lidhur me Serbinë: Ushtrinë e trollave të turbofolkut nacionalist të Prishtinës.
Sa herë që ajo ushtri lëshohet nëpër kanalet sociale për të shfryrë urrejtjen e verbër ndaj meje, unë e quaj të kryer me sukses detyrën time si kryeministër i këtij vendi qoftë ndaj Shqipërisë, qoftë ndaj Kosovës dhe qoftë ndaj paqes e bashkëpunimit rajonal.
Edhe dje laboratori ka funksionuar perfekt, me trollat që u lëshuan për të më rikonfirmuar si tradhtar pse thashë Serbia e humbi Kosovën, përgjatë ndërhyrjes sime në debatin dinjitoz të ditëve të fundit mes autoriteteve tona dhe atyre të Serbisë, për paprekshmërinë e lumit Ibër", shkroi ai.
Presidenti i Serbisë, Aleksandar Vuçiq, deklaroi më 9 gusht se autoritetet serbe po shqyrtojnë me ekspertë mundësinë e ndryshimit të rrjedhës së Ibrit, duke e lidhur këtë me rrënimin e shtëpive dhe vilave të serbëve pranë Liqenit të Ujmanit, në veri të Kosovës.
Bashkimi Evropian ka thënë se deklaratat për ndryshimin e mundshëm të rrjedhës së lumit Ibër, si dhe veprimet që nuk i shërbejnë normalizimit të marrëdhënieve ndërmjet Kosovës dhe Serbisë, duhet të shmangen.
Lumi Ibër, rreth 270 kilometra i gjatë, buron në Mal të Zi, kalon nëpër Serbi dhe më pas hyn në Kosovë, ku furnizon liqenin artificial të Ujmanit.
Rreth dy të tretat e këtij liqeni ndodhen në territorin e Kosovës.
