Pritja ka përfunduar: edhe Champions League është gati të nisë sezonin e ri 2026/27. Shorti i zhvilluar në ambientet e Grimaldi Forum në Monaco përcaktoi përballjet e supergrupit unik, një formulë e konfirmuar që do të ketë në start 36 skuadra. Interi do të përballet me Liverpoolin dhe Real Madridin, që do të jetë gjithashtu kundërshtar i Romës, ndërsa Napoli do të ketë provën angleze me Arsenalin dhe Manchester Cityn. Short jashtëzakonisht i vështirë për Comon e Cesc Fabregasit, që në pjesëmarrjen e parë do të përballet me PSG-në, Barcelonën dhe Manchester United.
KUNDËRSHTARËT E SKUADRAVE ITALIANE
Inter: Liverpool (S), Real Madrid (J), Brugge (S), Borussia Dortmund (J), Shakhtar Donetsk (S), Feyenoord (J), Stuttgart (S), Slovan Bratislava (J)
Roma: Real Madrid (S), PSG (J), Sporting (S), Manchester United (J), Lille (S), Fenerbahçe (J), Slovan Bratislava (S), AEK Athinë (J)
Napoli: Arsenal (S), Manchester City (J), Brugge (S), Porto (J), Bodo/Glimt (S), Villarreal (J), Viking (S), Sabah (J)
Como: PSG (S), Barcelona (J), Manchester United (S), Betis Sevilla (J), Leipzig (S), AEK Athinë (S), Lens (J)
Ceremonia
Pas himnit zyrtar të Champions League, që hapi ceremoninë, në skenën e Grimaldi Forum në Monaco, presidenti i PSG-së, Nasser Al-Khelaifi, tërhoqi çmimin Fair Play, të akorduar për kapitenin e parisienëve, Marquinhos. Më pas, Thierry Henry mori çmimin President’s Awards.
Vazot e Champions League 2026/27
Vazoja e parë: Bayern Munich, Real Madrid, Paris Saint-Germain, Liverpool, INTER, Manchester City, Arsenal, Barcelona, Atletico Madrid
Vazoja e dytë: Borussia Dortmund, ROMA, Sporting Lisbonë, Aston Villa, Porto, Manchester United, Brugge, Betis Sevilla, PSV Eindhoven
Vazoja e tretë: Feyenoord, Lille, NAPOLI, Leipzig, Villarreal, Shakhtar Donetsk, Galatasaray, Bodo/Glimt, Fenerbahçe
Vazoja e katërt: Slavia Pragë, Slovan Bratislava, Stuttgart, COMO, Lens, Sabah Futbol Klubu, Lask, Viking, AEK Athinë
Kalendari i Champions League 2026/27
Java e parë: 8-10 shtator 2026
Java e dytë: 13-14 tetor 2026
Java e tretë: 20-21 tetor 2026
Java e katërt: 3-4 nëntor 2026
Java e pestë: 24-25 nëntor 2026
Java e gjashtë: 8-9 dhjetor 2026
Java e shtatë: 19-20 janar 2027
Java e tetë: 27 janar 2027
Rregullorja e Champions League
Çdo skuadër do të luajë gjithsej 8 ndeshje në fazën e parë, duke u përballur me dy kundërshtarë nga secila prej katër vazove (një ndeshje në shtëpi dhe një në transfertë). Për të ruajtur ekuilibrin e kompeticionit, mbeten në fuqi kufizimet kryesore: nuk do të ketë përballje mes skuadrave të të njëjtit shtet dhe çdo klub mund të përballet me maksimumi dy kundërshtarë që vijnë nga e njëjta federatë kombëtare.
Risia e këtij edicioni
Një kuriozitet lidhet me përballjet që janë zhvilluar në edicionet e fundit. Sipas rregullores së UEFA-s, nuk është e mundur që e njëjta përballje të zhvillohet për tre sezone radhazi. Në supergrupin unik, pra, nuk do të ketë një tjetër Inter-Arsenal në San Siro, edhe pse përballja mund të përsëritet në Londër, dhe as një tjetër Liverpool-Real Madrid në Anfield.
