José Mourinho rikthehet te Real Madrid dhe shkon të banojë në të njëjtën rezidencë ku jetonte gjatë eksperiencës së tij të parë te “Los Blancos”. “Special One” ka zgjedhur një zgjidhje “të qetë” dhe të rehatshme, sidomos për sa i përket zonës. Më pak për sa i përket kostove. Po, sepse Mou ka zgjedhur sërish lagjen rezidenciale La Finca për të nisur eksperiencën e tij të re te “Los Blancos”. Bëhet fjalë për një kompleks privat në një nga zonat më të sigurta të Madridit, ku ndodhet edhe supervila e trajnerit portugez. Është një pronë me 1400 metra katrorë sipërfaqe të banueshme dhe plot 5000 metra katrorë hapësirë të jashtme.
Komoditeti maksimal dhe dhomat e bollshme me tavane të larta dhe dritare të mëdha e bëjnë shtëpinë një xhevahir të vërtetë. Por ajo që të befason nuk janë aq shumë karakteristikat e banesës së Mou, në linjë pak a shumë me të gjitha shtëpitë luksoze të trajnerëve dhe futbollistëve të këtij niveli, sesa kostot. Mourinho nuk e ka blerë këtë shtëpi, por e ka marrë me qira për një shumë prej 20 mijë eurosh në muaj. Mjafton të mendohet se gjatë eksperiencës së tij të mëparshme në Spanjë kishte shpenzuar pothuajse një milion euro për qiranë.
Mourinho e zgjedhja për të jetuar shpesh me qira pa blerë shtëpi
Një zgjedhje në linjë me karakterin e Mourinhos, i cili tenton të mos krijojë lidhje të tilla në qytetet ku drejton. Trajneri shpesh vendos të jetojë me qira, pa pasur nevojën të blejë një pronë. Në Romë, për shembull, jetonte në një apartament brenda një vile në pronësi të Alberto Aquilanit, ish-futbollistit të Romës dhe sot trajner i Sassuolos, e cila ndodhet në lagjen Parioli dhe ka pamje nga Villa Borghese, Lungotevere dhe Muzeu Etrusk i Villa Giulia. Edhe në këtë rast, në kërkim të qetësisë dhe larg vëmendjes së qytetit.
José Mourinho, de 63 anos, voltou ao Real Madrid e recuperou também um velho refúgio na capital espanhola. O treinador português escolheu novamente uma luxuosa mansão na exclusiva urbanização La Finca, em Pozuelo de Alarcón, onde já tinha vivido durante a primeira passagem pelo… pic.twitter.com/DCwUEVT7Sw
— 24Horas (@24horaspt) August 23, 2026
Plot 720 mijë euro në tre vite
Kjo ishte shuma e shpenzuar nga Mourinho gjatë viteve të kaluara te Real Madrid. Praktikisht e njëjta shumë është rezervuar për Mourinhon edhe në këtë rast. Sigurisht, bëhet fjalë për një mundësi që mund t’ia lejojnë vetes vetëm shumë pak njerëz, pasi bëhet fjalë për një kompleks absolutisht ekskluziv. Brenda mbizotëron arkitektura bashkëkohore, me linja të pastra dhe një organizim të menduar për të ndarë zonat e ndryshme të shtëpisë. Madhësia e banesës mundëson krijimin e një ambienti të qetë dhe mbizotëron heshtja aq shumë e kërkuar nga Mourinho për të shmangur presionin që në mënyrë të pashmangshme do të ndiejë në një qytet si Madridi.
Pjesa e jashtme e shndërron rezidencën në një strehë të vërtetë private. Prona ka kopshte të mëdha, disa zona relaksi dhe një pishinë të madhe. Por nëse ka diçka që shpjegon zgjedhjen e Mourinhos, ajo është privatësia. La Finca njihet për kontrollet e rrepta të hyrjes dhe sigurinë e jashtëzakonshme të rrugëve të saj. Rrugët nuk janë publike dhe hyrja u lejohet vetëm banorëve dhe personelit të autorizuar: një karakteristikë që e ka tërhequr menjëherë trajnerin portugez, i cili zgjodhi pa vonesë këtë rezidencë pavarësisht qirasë së madhe që duhet të paguajë çdo muaj.
Por pse Mourinho ka zgjedhur një zgjidhje të tillë?
Duhet të bëjmë një hap tjetër të rëndësishëm pas për të kërkuar përgjigjen. Përpara Romës, edhe kur drejtonte Manchester United nga viti 2016 deri në 2018, “Special One” i kaloi ato vite në një suitë të “Lowry Hotel”, duke shpjeguar se aty kishte të gjitha komoditetet e tij, duke jetuar në një apartament të mrekullueshëm. Nuk ishte një dhomë. Ai e kishte rezervuar për gjithë kohën që dëshironte, edhe nëse do të shkarkohej menjëherë nga “Red Devils”. Mou nuk dëshiron lidhje të mëdha të këtij lloji me qytetet ku jeton kur drejton një skuadër dhe për këtë arsye zgjedhja e Madridit është plotësisht në linjë me karakterin e tij.
