Vetëm disa orë pasi Taylor Swift publikoi këngën “I Knew It, I Knew You” të premten, më 5 qershor, disa platforma streaming njoftuan se ajo kishte thyer menjëherë rekorde të reja të ditës së publikimit.
Apple Music bëri të ditur se "kënga u bë country më i madh i vitit 2026” dhe theu gjithashtu “rekordin e të gjitha kohërave për këngën më të madhe nga një kolonë zanore, bazuar në dëgjimet e ditës së parë”.
Ndërkohë, Spotify njoftoi se kënga është “kënga country më e dëgjuar brenda një dite nga një artiste femër në historinë e platformës”.
Amazon Music gjithashtu deklaroi se kënga ka pasur “debutimin më të madh global në 24 orët e para për çdo këngë në vitin 2026”.
Taylor Swift dhe Pixar kishin krijuar pritshmëri për këngën përmes “Easter eggs” që sugjeronin bashkëpunimin e mundshëm me “Toy Story 5”.
Më 1 qershor, Swift konfirmoi zyrtarisht pjesëmarrjen e saj në kolonën zanore të filmit, duke thënë se kishte realizuar një ëndërr fëmijërie duke shkruar për personazhet e “Toy Story”.
Kënga u publikua më 5 qershor së bashku me videoklipin, i cili përmban skena nga “Toy Story” me fokus te personazhi Jessie.
Swift u shpreh se projekti ishte një përvojë njëkohësisht e re dhe nostalgjike, duke falënderuar regjisorin Andrew Stanton dhe kompozitorin Randy Newman për kontributin e tyre në universin muzikor të “Toy Story”.
