Kryeministri izraelit Benjamin Netanyahu ka folur në telefon me presidentin amerikan Donald Trump, në një moment tensionesh të larta në Lindjen e Mesme dhe përshkallëzimi të operacioneve ushtarake në Liban dhe Gaza. Sipas mediave izraelite, telefonata është zhvilluar pas mbledhjes së Kabinetit të Sigurisë.
Ushtria izraelite po intensifikon operacionet kundër Hezbollahut në jug të Libanit. Uashingtoni i ka kërkuar Izraelit të shmangë sulmet ndaj Bejrutit, për të mos rrezikuar negociatat SHBA–Iran. Ndërkohë, media izraelite Ynet raporton se Forcat Ajrore të Izraelit kanë eliminuar Mohammed Odeh, i cili thuhet se ishte emëruar së fundmi në krye të krahut ushtarak të Hamasit. Deri më tani, nuk ka një konfirmim zyrtar nga Hamasi lidhur me këto raportime. Në Liban, sulmet ajrore vijojnë kryesisht në jug të vendit, ku sipas autoriteteve lokale dhe mediave rajonale, të paktën 31 persona janë vrarë dhe rreth 40 të tjerë janë plagosur.
