Procesi ndaj Veliajt në Gjykatën e Lartë po shihet si një test për ndryshimin që kjo gjykatë bëri pak javë më parë për lehtësimin e masave të sigurisë dhe sidomks “arrestit me burg”.
Kolegjet e Bashkuara të saj, vendosën se izolimi në qeli duhet të jetë përjashtim dhe jo automatizëm procedural.
Tani në procesin Veliaj të njëjtës gjykatë do i kërkohet të argumentojë pse kryebashkiaku në detyrë duhet të mbahet në burg dhe pse nuk mjaftojnë masa më të buta sigurie ndaj tij.
Nëse Gjykata e Lartë vendos të zbusë masën e sigurisë, vendimi nuk do të ketë vetëm efekt juridik, por edhe politik, pasi Rama dhe PS kishin kërkuar shkarkilin e Veliajt.
-
Një vendim më i dobishëm sesa i rrezikshëm
4 Maj, 20:15
Megjithatë, edhe nëse Veliaj del nga paraburgimi, kjo nuk do të thotë automatikisht rikthim në drejtimin e bashkisë. Një masë si “arresti në shtëpi” do ta bënte praktikisht të pamundur ushtrimin normal të funksionit të kryebashkiakut. Rikthimi real në zyrë do të bëhej i mundur vetëm nëse Gjykata do të shkonte drejt një mase edhe më të lehtë, si “detyrim paraqitje”, siç veproi me ish drejtoreshën e AKSH.
LAPSI.AL
