Prej gjashtë ditësh, flakët vijojnë të djegin pyjet e fshatit Dardhë, në Bashkinë e Librazhdit. Zjarri ende nuk është vënë plotësisht nën kontroll. Terreni i vështirë, era e fortë dhe temperaturat e larta po pengojnë ndërhyrjen. Flakët janë përhapur në një sipërfaqe të gjerë me bimësi të thatë dhe pyje. Dhjetëra zjarrfikës dhe forca të Emergjencave Civile po punojnë pa ndërprerje për izolimin e vatrave aktive.
Deri tani nuk raportohet për persona të lënduar. Zjarri ndodhet larg zonave të banuara dhe banesat nuk janë në rrezik. Autoritetet vijojnë monitorimin e situatës në terren.
