Ëndërra e Leonardos e të gjithë tifozëve të Milan ka emër e një mbiemër, Sergej Milinković-Savić. Serbi i Lazios është goditja e madhe me të cilin kuqezinjtë do të mbyllnin një fushatë merkato që mund ti cojë vërtetë lart. E pavarësisht se pista është në ngjitje, Leonardo nuk e ka braktisur idenë për të sjellë në San Siro mesfushorin bardhekaltër. Drejtori i përgjithshëm i anës teknike të Milan po punon me një seri lëvizjesh në merkato, që të ketë një mundësi për të bindur Claudio Lotito ti shesë yllin e tij.
Leonardo para së gjithash duhet të zbrazë organikën nga lojtarë që kanë gjetur pak hapësira, duke lehtësuar paralelisht edhe barrën e pagesave. Në orët e fundit, kuqezinjtë kanë shitur Manuel Locatelli tek Sassuolo (12 milionë mes huazimit dhe blerjes). Në dalje janë edhe Cristian Zapata e Riccardo Montolivo, të ndjekur nga Bologna. Nikola Kalinic ka veshur fanellën e Atletico Madrid për 15 milionë, ndërsa André Silva po firmos për Sevilla. Në lojë është edhe Gigi Donnarumma: Milan është gati të dëgjojë oferta mbi 40 milionë euro, por Psg nuk duket se ka ndërmendë të lëvizë.
Milan ditë pas ditë po mbush arkën me objektivin e madh në mendje: të gjejë fondin 110-120 milionë euro për të bërë goditjen Sergej Milinković-Savić. Në këtë pikë i sakrifikueshëm konsiderohet edhe Giacomo Bonaventura, që mund të futet në tratativën me Lazion.
