Futbolli argjentinas dhuron një tjetër përfundim drithërues, me një fund kampionati që duket sikur është marrë nga një skenar filmi. Në fund, skuadra që feston është Boca Juniors, e cila fiton trofeun e 75-të në historinë e saj të lavdishme dhe të parin me Juan Roman Riquelme si president, por e bën këtë vetëm pas një fundi që të lë pa frymë dhe që e shndërroi festën në një makth për rivalët e Rosario Central.
Në Bombonera, skuadra e drejtuar nga Rodolfo Arruabarrena dukej e bllokuar në një barazim të hidhur 0-0 në shtëpi kundër Defensa y Justicia, një rezultat që do t’ia dorëzonte titullin te Rosario. Në fakt, qindra kilometra më larg, Central kishte bërë detyrën, duke fituar 2-0 ndaj Estudiantes de Río Cuarto falë golave të Julian Fernandez dhe Emanuel Coronel, duke siguruar praktikisht vendin e parë në Tabla General (renditja që bashkon kampionatet Apertura dhe Clausura). Në Gigante de Arroyito, të shtyrë edhe nga entuziazmi i tifozëve në tribuna dhe me Angel Di Marian që mbështeste shokët e skuadrës nga tribunat për shkak të një problemi fizik, kishin nisur tashmë festimet me makina, thirrjet e kampionëve dhe një pushtim spontan të fushës, të bindur se kishin përsëritur titullin e sezonit të kaluar.
ALGO HISTÓRICO: Jogadores e torcedores do Rosário Central comemoram título inexistente da Liga Argentina por desinformação! O que aconteceu: a partida do Rosário Central acabou e, naquele momento, o clube era campeão. O Rosario venceu e o Boca, concorrente direto na tabela, empatava em 0 a 0. Mas, aos 50 minutos do 2º tempo, o Boca Juniors fez 1 a 0 contra o Defensa y Justicia e voltava a passar a frente na classificação por um ponto. Os jogadores do Rosário VIRAM esse gol. Mas algo estranho aconteceu no estádio, provavelmente gritos errôneos em parte da torcida, que levaram todos a acreditar que o gol do Boca tinha sido anulado ou que o Defensa empatou o jogo na sequência. Por isso, a comemoração de jogadores e torcedores do Rosário O problema é que o gol não foi anulado e o Boca foi campeão. https://t.co/VX5pznXmXp
— Televisão Argentina (@tvargentina_) November 8, 2026
Por ndeshja nuk përfundon derisa arbitri të vërshëllejë. Ndërsa në Rosario hapej shampanja, në Buenos Aires ndeshja vazhdonte ende në minutat shtesë. Në minutën e 96', një krosim i Lautaro Blancos vuri në vështirësi portierin e Defensa y Justicia, Matías Borgogno, i cili doli më kot nga porta dhe nga gabimi i tij përfitoi Enner Valencia: goditje fituese me të djathtën, 1-0 në ekstrem të lojës dhe Bombonera në delir.
Si estaban escuchando esta emisora en la cancha acabamos de encontrar al baitero de todos los tiempos https://t.co/s2ob2ZKtAs
— Nico Ambrogi (@Nicoambrogi) November 8, 2026
Kur te Rosario mbërrin lajmi për golin, zhgënjimi është i madh. Më pas, papritur, përhapet një lajm: goli i Boca Juniors qenka anuluar dhe lojtarët fillojnë të vrapojnë, të përqafohen dhe të ngjiten mbi gardhe për të festuar me tifozët. Por lajmi është i rremë, goli i Valencias konfirmohet dhe atmosfera festive ngrin në Gigante de Arroyito, ku entuziazmi shuhet papritur, duke i lënë vendin dëshpërimit dhe lotëve. Për disa minuta, futbolli argjentinas përjetoi paradoksin e dy skuadrave që besonin se kishin fituar, por renditja përfundimtare dha verdiktin përfundimtar: 63 pikë për Boca, 62 për Rosario Central.
🗣️ De la tristeza por el gol de Boca a la confusión en el Gigante de Arroyito que derivó en festejos: "LO ANULÓ". 🎙️ @Pasoapaso https://t.co/7URG13Sq8Q
— TyC Sports (@TyCSports) November 8, 2026
Një pikë e vetme diferencë që e rikthen titullin në vitrinën e trofeve të Xeneizes – të cilët u ndihmuan në fushë edhe nga rikthimi i Leandro Paredes – dhe i lë Rosarios zhgënjimin e një feste që zgjati shumë pak, megjithëse të dyja skuadrat mund të ngushëllohen me kualifikimin në edicionin e ardhshëm të Copa Libertadores 2027.
