Pas 6 orësh mbledhje, Këshilli i Emërimeve në Drejtësi ka ndaluar kandidimin e 3 gjyqtarëve për Gjykatën Kushtetuese.
Bëhet fjalë për Aldona Sylajn, Ardita Bunën dhe Shaqir Hasanajn të cilët ishin kandidatët për vakancën e shpallur nga Presidenti. Ardita Buna ishte njëkohësisht kandidate për vakancën shpallur nga Kuvendi.
KED ka lënë në fuqi kandidimin e 3 emrave të tjerë: Sonila Bejtja, Altin Binaj dhe Aleksandër Toma.
Presidenti dhe Parlamenti tashmë duhet të përzgjedhin nga një emër nga lista me 3 kandidatë të propozuar nga KED për të plotësuar dy vakancat për Gjykatën Kushtetuese.
Kushtetuta përcakton që të ketë jo më pak se 3 emra për çdo vakantë. Është një rregull që nuk është zbatuar as më parë, por nuk përjashtohen debatet për këtë arsye. ©LAPSI.al
