Justin Bieber u rikthye së fundmi në skenë në Itali në Festivalin Veror Lucca, duke shënuar performancën e tij të parë në gati dy muaj pasi iu desh të anulonte disa shfaqje pas diagnozës së sindromës Ramsay Hunt, e cila shkakton paralizë të pjesshme të fytyrës.
Sipas Fox News, Bieber u shfaq të dielën në mbrëmje për të dhënë një performancë energjike për fansat italianë, të cilët postuan në Twitter klipe të tij duke kërcyer e kënduar pa bluzë.
Duket se këngëtari 28-vjeçar është shëruar pasi uebsajti i tij i turneut ka përditësuar ndalesat për të përfshirë koncerte në Evropë përpara se të shkonte në Amerikën e Jugut në shtator.
Ai gjithashtu ka vendosur të japë dy shfaqje në Afrikën e Jugut të ndjekura nga shumë të tjera në Lindjen e Mesme, Azi, Australi dhe Zelandën e Re deri në fund të vitit.
