Policia e Vlorës ka arrestuar mbrëmjen e sotme shtetasin me iniciale A.M pasi kishte aksidentuar me makinë një të moshuar dhe ishte larguar nga vendngjarja.
Kujtojmë se ngjarja ka ndodhur në rrugën “Ali Demi” ndërsa 60 vjeçarja e aksidentuar ndodhet jashtë rrezikut për jetën.
Njoftim policie
Specialistët e Qarkullimit Rrugor në DVP Vlorë bënë arrestimin e shtetasit A. M., 50 vjeç, banues në Vlorë, për veprat penale “Shkelja e rregullave të qarkullimit rrugor” dhe “Largimi nga vendi i aksidentit”.
Ky shtetas, në rrugën “Ali Demi”, duke drejtuar automjetin tip “Citroen”, ka aksidentuar këmbësoren, shtetasen V. H., 60 vjeçe, e cila aktualisht ndodhet në spitalin e Vlorës, jashtë rrezikut për jetën.
Drejtuesi i automjetit, shtetasi A. M, është larguar nga vendi i aksidentit, por u kap më pas nga shërbimet e Policisë.
