Një 42-vjeçar është vënë në pranga nga policia në Fier. Mësohet se tri ditë më parë ky person goditi me sende të forta një të moshuar. I prangosuri është Ermal Sino. Sino, pas sherrit për ballkonin, goditi me çekiç fqinjin e tij 55-vjeçar Qazim Hyka. Ky i fundit ka përfunduar i plagosur në spital.
Fatmirësisht i plagosur ndodhet jashtë rrezikut për jetës, dhe se pas ndihmës mjekësor është larguar për në banesë.
Njoftimi i policisë:
Goditi me send të fortë (çekiç) në kokë, një shtetas, kapet dhe vihet në pranga 42-vjeçari i shpallur në kërkim 3 ditë më parë.
Në vijim të punës lokalizuese dhe operacionale, më qëllim kapjen e shtetasve të shpallur në kërkim për vepra të ndryshme penale, shërbimet e Komisariatit të Policisë Fier, falë dhe mbështetjes së inteligjencës informative, ndaluan shtetasin E. S., 42 vjeç.
42-vjeçari ishte shpallur në kërkim pasi më datë 02.05.2023, në lagjen “29 Nëntori”, Fier, dyshohet se për motive të dobëta, ka goditur me send të fortë (çekiç) në kokë, shtetasin Q. H., 55 vjeç, banues në Fier.
55-vjeçari pas marrjes së asistencës mjekësore, u largua në banesë.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Fier, për veprime të mëtejshme.
