Los Angeles u kthye në qendrën e muzikës dhe argëtimit me zhvillimin e BET Awards 2026, ku artistët më të njohur të momentit u vlerësuan për sukseset e tyre gjatë vitit.
Ceremonia, e prezantuar nga Druski në Peacock Theater, solli performanca spektakolare dhe surpriza në ndarjen e çmimeve.
Megjithëse Cardi B kryesonte listën e nominimeve, ajo u shpall Artistja më e Mirë e Hip Hop-it, ndërsa Kendrick Lamar fitoi çmimin për Artistin më të Mirë të Hip Hop-it.
Një nga emrat më të spikatur të mbrëmjes ishte Teyana Taylor, e cila u nderua me çmimin “Fashion Vanguard Award” (Ikona e Vitit) dhe u shpall gjithashtu Aktorja më e Mirë.
Në kategoritë muzikore, Leon Thomas u shpall Artisti më i Mirë R&B/Pop, ndërsa Kehlani fitoi çmimin për Artisten më të Mirë R&B/Pop. Grupi Clipse u vlerësua si Grupi më i Mirë, ndërsa albumi i tyre Let God Sort Em Out u shpall Albumi i Vitit.
Kënga “Chains & Whips” nga Clipse dhe Kendrick Lamar fitoi çmimin për Bashkëpunimin më të Mirë, ndërsa Olivia Dean u shpall Artistja e Re më e Mirë.
Në kategorinë e videove muzikore, “Folded” nga Kehlani u zgjodh Videoja e Vitit, ndërsa Teyana Taylor fitoi edhe çmimin Regjisorja e Vitit për punën e saj pas kamerës.
Në kinematografi, Michael B. Jordan u shpall Aktori më i Mirë, ndërsa Teyana Taylor fitoi çmimin për Aktoren më të Mirë. Filmi “Sinners” u vlerësua si Filmi më i Mirë.
Në sport, basketbollistja A’ja Wilson fitoi çmimin Sportistja e Vitit, ndërsa Jalen Brunson u shpall Sportisti i Vitit.
