Drake ka hyrë në histori duke thyer rekordin e mbajtur më parë nga Michael Jackson për numrin më të madh të këngëve në vendin e parë të “Billboard Hot 100” nga një artist mashkull solo.
Kënga e tij “Janice STFU” debutoi në krye të klasifikimit, duke i dhënë Drake vendin e parë të 14-të në karrierë. Me këtë arritje, ai barazohet me Rihanna dhe Taylor Swift për numrin më të madh të hiteve nr.1 mes artistëve solo.
Përpara tyre renditen vetëm Mariah Carey me 19 këngë në krye dhe grupi legjendar The Beatles me 20.
Reperi kanadez vendosi gjithashtu një tjetër rekord, duke regjistruar plot 42 këngë në klasifikimin “Hot 100” brenda një jave të vetme, më shumë se çdo artist tjetër më parë.
Suksesi vjen pas publikimit të tre albumeve të tij të reja: “Iceman”, “Habibti” dhe “Maid of Honour”, të cilat debutuan njëkohësisht në tre pozicionet e para të klasifikimit të albumeve.
“Iceman” debutoi në vendin e parë dhe i siguroi Drake albumin e 15-të nr.1 në karrierë, duke kaluar edhe rekordin e Jay-Z për numrin më të madh të albumeve nr.1 nga një artist mashkull solo në zhanrin hip-hop dhe R&B.
Drake tashmë numëron mbi 400 hyrje në “Billboard Hot 100”, duke u bërë artisti i parë që arrin këtë shifër historike.
