Reperi French Montana ka zbuluar se pjesëmarrja e tij në reality show-n "Keeping Up With the Kardashians" nuk ishte një vendim personal, por një favor për ish-të dashurën e tij, Khloé Kardashian.
Në një intervistë për E! News gjatë ceremonisë së BET Awards, artisti tha se ishte Khloé ajo që e bindi të bëhej pjesë e emisionit.
"Ajo më tha të merrja pjesë në show dhe unë pranova. Përshëndetje për Khloé," u shpreh ai.
French Montana, i cili ishte në një lidhje me Khloé Kardashian për rreth tetë muaj para ndarjes në fund të vitit 2014, e përshkroi përvojën si pozitive.
"Ishte argëtuese, sepse ata filmonin jetën e tyre të vërtetë. Nuk dukej si punë, pasi thjesht ishim pjesë e asaj që bënin çdo ditë," tha reperi.
Megjithatë, ai theksoi se nuk ka ndërmend të rikthehet në botën e reality show-ve. Kur u pyet nëse do të pranonte një tjetër ofertë, përgjigjja e tij ishte e prerë: "Jo."
Pavarësisht ndarjes, French Montana dhe Khloé Kardashian kanë ruajtur një marrëdhënie miqësore. Dyshja u panë së fundmi në festën e ditëlindjes së një miku të përbashkët, ndërsa Khloé tha se ishte "shumë bukur" ta takonte sërish.
Edhe më herët, French Montana ka deklaruar se vazhdon të ketë marrëdhënie të mira jo vetëm me Khloé, por edhe me pjesën tjetër të familjes Kardashian.
